Доктор Мижиддорж: “Генетикийн ба сансрын дохиололт хүзүүвчний нарийн судалгаануудын ачаар Мазаалайн тоо толгой олширч байгааг тогтоосон

Дэлхий дээр өөр хаана ч байхгүй, зөвхөн Монголын говьд байдаг Мазаалай баавгайг хамгаалах, тоо толгойг нь нэмэгдүүлэх ажлыг сүүлийн жилүүдэд эрчимтэй хийж буй. Говь цөлийн экологийн хүнд нөхцөлд олон зуун жил зохицон амьдарч ирсэн говийн баавгайг хамгаалахад шинжлэх ухааны үндэслэлтэй, үнэн зөв мэдээлэл цуглуулж, олон төрлийн судалгаа хийх зайлшгүй шаардлагатай байгаа юм.

Мазаалайн гол тэжээл Бажууна хэмээх ургамлыг Эрдэнэ Монгол компани уугуул нутагт нь тариалж эхэлжээ.

Дэлхий дээр цор ганц Монголын говьд амьдардаг Мазаалай баавгай нь говьд ургадаг нэн ховор бажууна хэмээх ургамлаар хооллодог. Гэвч энэ ургамал нь зарим жил ургадаггүй учраас говийн нөхцөлд тусгайлан тарьж ургуулах ажлыг Эрдэнэ Монгол ХХК санаачлан хэрэгжүүлж эхэлсэн сайхан мэдээ байна. Тодруулбал, Мазаалай бажууны үндэс, зээргэнэ, хармаг жимс зэргээр хооллодог маш том ургамал идэштэн. Гэвч бажууна маш ховор ургадаг бөгөөд зарим жилд ургахгүй байх ч тохиолдол бий. Үүнээс үүдэн Мазаалай баавгай хоол тэжээлээ хайн асар өргөн уудам нутгийг туулдаг байна. Иймд зөвхөн манай улсад байдаг онцлогтой энэхүү ховор амьтныг хамгаалан, өсгөж үржүүлэхийн тулд гол идэш болох бажууна болон говьд ургадаг бусад ховор ургамлыг тариалж эхэлсэн нь нэн ховор энэ амьтныг өсгөж үржүүлэхэд чухал ач холбогдолтой юм.

Монгол мазаалай

Хаяа хязгаар нь үл харагдах асар уудам говийн их нутагт хад асга, элсэн манхан, уул нуруудыг дамнан мазаалай баавгай тархан амьдардаг. Ийм их өргөн орон зайг эзлэн амьдардаг баавгайн зүйл дэлхийд мазаалайгаас өөр байхгүй.