Боловсролыг дэмжих хөтөлбөр
Эрдэнэ Монгол ХХК нь нийгмийн хариуцлагын бодлогын хүрээнд Шинэжинст сумын нийгэм, эдийн засгийн хөгжлийн бодлогыг дэмжих, сум орон нутагт эрэлт хэрэгцээтэй мэргэжлээр суралцаж буй, сурлагаараа амжилт гаргасан, нийгмийн идэвхтэй, ирээдүйд төрөлх нутагтаа тогтвортой ажиллаж, хөгжилд нь хувь нэмэр оруулах эрмэлзэлтэй оюутан залуусыг урамшуулах, дэмжих зорилготой боловсролын хөтөлбөрүүдийг тогтмол хэрэгжүүлдэг. Эдгээр хөтөлбөрийн хүрээнд: "Амралтаараа ажиллая" оюутны зуны цалинтай дадлага; Сургалтын төлбөрийн тэтгэлэгт хөтөлбөр; Хүнд машин механизмын операторын мэргэжил олгох сургалт зэрэг арга хэмжээг зохион байгуулж, сумын иргэдийг мэргэшүүлэн, хөгжүүлэхэд онцгой анхаарч ажиллаж байна.
Сүүлд хэрэгжүүлсэн ажлуудаас
Э.Цэцэгжаргал: Эрдэнэ Монгол ХХК-ийн хөрөнгө оруулалтын ачаар хүүхдүүд маань тухтай орчинд сурч, хөгжиж байна
Шинэжинст сумын багачуудыг ая тухтай сурч, боловсрох нөхцөлийг бүрдүүлэх зорилгоор Эрдэнэ Монгол ХХК-аас цэцэрлэгийн тохижилт болоод сургалтын хэрэглэгдэхүүнийг шинэчлэх ажлыг үе шаттай хэрэгжүүлсэн.
Шинэжинст сумын сургууль цахим хичээлийн үзүүлэлтээрээ аймагтаа тэргүүлж байна
нийгмийн хариуцлагын хүрээнд энэ хичээлийн жилд сумын сургуульд 100 ширхэг таблетын дэмжлэг үзүүлсэн.
Шинэжинст сумын оюутнууд ЦАЛИНТАЙ ОЮУТАН хөтөлбөрт хоёр дахь жилдээ хамрагдлаа
Бид нийгмийн хариуцлагынхаа хүрээнд Шинэжинст сумын оюутан, залуусыг зуны амралтаа цалин орлоготой, үр бүтээлтэй өнгөрүүлэх боломжийг бүрдүүлэх, цаашлаад орон нутагтаа эргэн ирж ажиллаж, амьдрах залуусын тоог нэмэгдүүлэх зорилгоор "АМРАЛТААРАА АЖИЛЛАЯ - ЦАЛИНТАЙ ОЮУТАН" хөтөлбөрийг хэрэгжүүлж эхэлсэн.
“Амралтаараа ажиллая” оюутны зуны хөтөлбөрийг хэрэгжүүлж байна
Баянхөндий төслийн зүгээс Баянхонгор аймгийн Шинэжинст сумын оюутан залууст ажил хөдөлмөрийн суурь дадлага, туршлага олгох замаар сурч, хөгжих боломжийг дэмжих, улмаар хөдөлмөрийн зах зээлд өрсөлдөх чадварыг нэмэгдүүлэх зорилгоор 2023 оноос эхлэн “Амралтаараа ажиллая” оюутны зуны хөтөлбөрийг санаачлан хэрэгжүүлсэн.
“Баянхөндий төслийн нэрэмжит оюутны тэтгэлэгт хөтөлбөр 2024-2028” хэрэгжүүлж эхэллээ
Баянхөндий төслийг хэрэгжүүлэгч Эрдэнэ Монгол ХХК нийгмийн хариуцлагын бодлогын хүрээнд Шинэжинст сумын нийгэм, эдийн засгийн хөгжлийн бодлогыг хэрэгжүүлэхэд шаардлагатай боловсон хүчнийг бэлтгэх зорилгоор тэтгэлэгт хөтөлбөрийг хэрэгжүүлж эхэлсэн.