Эрдэнэ Монгол ХХК нийгмийн хариуцлагын бодлогын хүрээнд Шинэжинст сумын нийгэм, эдийн засгийн хөгжлийн бодлогыг хэрэгжүүлэхэд шаардлагатай боловсон хүчнийг бэлтгэх зорилгоор сургалтын төлбөрийн тэтгэлэгт хөтөбөрийг жил бүр зарладаг. 2025-2026 оны хичээлийн жилийн Баяхөндий төслийн нэрэмжит оюутны тэтгэлэгт хөтөлбөр албан ёсоор зарлагдлаа. 

Суманд эрэлт хэрэгцээтэй мэргэжлээр суралцаж байгаа, сурлагын амжилтаар болон нийгмийн идэвх зүтгэлээр тэргүүлж байгаа, ирээдүйд төрөлх сумандаа тогтвортой ажиллаж, сум орон нутгийнхаа хөгжилд хувь нэмэр оруулах оюутнуудыг урамшуулах нь тэтгэлэгийн гол зорилго юм. 

Шинэжинст сумын Засаг даргын тамгын газраас ирүүлсэн эрэлттэй мэргэжлийн жагсаалтыг үндэслэн тэтгэлэгт  хөтөлбөрийг олгодог уламжлалтай. Тэтгэлэгт хөтөлбөрийн сонгон шалгаруулалтыг сумын ЗДТГ-ын төлөөлөл, иргэний нийгмийн байгууллагын төлөөлөл зэрэг өргөн бүрэлдэхүүнтэй баг хийдгээрээ онцлогтой билээ.