Байгаль орчны менежмент

“Эрдэнэ Монгол” ХХК нь Байгаль орчны нөлөөллийг бууруулах компанийн бодлогыг хэрэгжүүлэхийн зэрэгцээ Монгол улсын төр засаг, орон нутгийн төрийн болон төрийн бус байгууллагуудаас хэрэгжүүлж буй байгаль орчны бодлого, төлөвөлгөөтэй уялдуулан дэмжиж, хамтран ажиллахыг чухалд үздэг. Бид уурхайн үйл ажиллагаанд ашигласан усаа цэвэрлүүлж, 93.9 хувьтай дахин ашиглах технологийн шийдлийг үйл ажиллагаандаа мөрдөж байна. Мөн байгаль орчныг нөхөн сэргээх нийгмийн үүргээ ухамсарлаж олон талт санаачилга гарган хөтөлбөрүүдийг үе шаттай хэрэгжүүлж байна. Тухайлбал, “SaveMazaalai”, “Нэг сая мод тарих” амлалт, говийн бүсийн унаган ургамлыг үрээр тарьж ургуулах, орон нутгийн иргэдийг эзэмшлийн талбайдаа тарьсан модны тоогоор урамшуулах, говийн бүсэд тохиромжтой эко усалгааны системийг турших, цөлжилт бууруулах өвсөн дөрвөлж байгуулах зэрэг ажлуудыг тогтмол хэрэгжүүлсээр байгаа юм.