Эрдэнэ Монгол ХХК  нийгмийн хариуцлагын хүрээнд орон нутгийн залуучуудын хөгжил, оролцоог дэмжих зорилгоор хэрэгжүүлдэг “Амралтаараа ажиллая” хөтөлбөрийнхөө 2025 оны зуны элсэлтийн бүртгэлийг албан ёсоор эхлүүлсэн.

Тус хөтөлбөр нь гурав дахь жилдээ амжилттай хэрэгжиж байгаа бөгөөд Шинэжинст сумын харьяат  их, дээд сургуулийн оюутнуудад зуны амралтаараа мэргэжлийн байгууллагад ажиллаж, ажлын туршлага хуримтлуулах, нийгмийн оролцоогоо нэмэгдүүлэх, төрөлх нутгийнхаа хөгжлд бодит хувь нэмэр оруулах өргөн боломжийг олгодог. Хөтөлбөр зуны хоёр сарын турш үргэлжлэх бөгөөд 2025.06.21-2025.08.21 хүртэл үргэлжлэх юм.

✅ Хөтөлбөрийн зорилго:

• Шинэжинст сумын оюутан залуусыг дэмжих
• Орон нутгийнхаа хөгжилд оролцох ирээдүйн мэргэжилтэн, манлайлагчдыг бэлтгэх
• Оюутнуудын мэргэжлийн ур чадвар, хандлагыг хөгжүүлэх
• Ажиллах бодит туршлага олгох, цалин хөлсөөр урамшуулах

✅ Хөтөлбөрийн онцлог:

• Цалинтай
• Ажлын байран дээрх сургалт, дадлага
• Бодит туршлага, хөгжлийн хөтөлбөрүүд
• Хамт олны эерэг орчинд суралцах боломж

Эрдэнэ Монгол ХХК нь орон нутгийн иргэдийн боловсрол, хөгжилд чиглэсэн олон талт санаачилга, хөтөлбөрийг цаашид ч тогтвортой хэрэгжүүлэхээр зорин ажиллаж байна.