Энэ хүрээнд сэргээгдэх эрчим хүчээр ажилладаг худаг, хөв цөөрөм байгуулах судалгааг хийж, 2024 онд Ламын тооройн худгийг нарны өргүүрт болгон тохижуулж, тус худгийг түшиглэн  бага оврын хөв байгуулсан. Ингэснээр Мазаалай болон бусад хээрийн зэрлэг амьтад ундаалах боломжтой болсон юм. Уг хөв цөөрөм нь салхи шуурга, ан амьтны хөлөөр худгийн эх рүү элс шороо орохоос сэргийлсэн тусгаарлалттайгаас гадна нарны өргүүрээр ус автоматаар татагдаж, зэрлэг ан амьтад ундаалахад бэлэн байхаар хийгдсэн юм.