Бид үндэсний бахархалт амьтан “Мазаалай” баавгайг хамгаалах үйлсэд нэгдэж, БОАЖЯ-тай “Хамтран ажиллах Санамж бичиг” байгуулсан. Санамж бичигт Баянхонгор аймгийн ЗДТГ, Байгаль орчин аялал жуулчлалын газраас зохион байгуулах Мазаалай баавгайн хамгаалал, танин мэдэхүйн чиглэлийн арга хэмжээнд санхүүгийн дэмжлэх үзүүлж, хамтран ажиллах тухай тусгагдсан. Энэ хүрээнд орон нутгийн төр захиргааны байгууллагаас тодорхой санал, санаачилга гаргаагүй тул Эрдэнэ Монгол ХХК  бие даан "Мазаалайгаа магтъя" постны уралдааныг Баянхонгор аймгийн хүүхэд, залуусын дунд зарлалаа. 

Уралдаанд оролцогч нь дэлхийн хаана ч байхгүй цор ганц Монголын говьд байдаг Мазаалай баавгайн тухай богино бичвэр /пост/ бичнэ.

Уралдааны нөхцөл 

• Уралдаанд оруулах постыг паблик тохиргоотой өөрийн хаягаар нийтэлнэ.
• #saveMazaalai хаштаг ашиглана. 
• Нийтэлсэн постны линкээ “Баянхөндий” пэйж хуудас руу чатаар илгээнэ.
• Хамгийн олон лайк, шэйр, коммент авсан цорын ганц нэг ялагч, тусгай байрын 4 оролцогч шалгаруулна. 

Уралдааны ЯЛАГЧ 

• Цорын ганц ялагч гар утасны шагналтай 
• Тусгай, шагналт байр 4 оролцогчид мөнгөн шагнал, дурсгалын зүйлс

Хэн оролцож болох вэ 

• Баянхонгор аймгийн хүүхэд, залуус.

Хугацаа: 9 дүгээр сарын 16-26-ны хооронд зохион байгуулагдана.

Эрдэнэ Монгол ХХК нь “Үндэсний бахархалт амьтан” болох мазаалайг хайрлан хамгаалах үйлсэд нэгдэж, амьдрах орчныг сайжруулах, идэш тэжээлийг нь бэлдэх зэргээр олон ажлуудыг хийж байгаа. Энэ хүрээнд хүүхэд, залуусын дунд говийн баавгайн талаарх мэдлэгийг дээшлүүлэх, хайрлан хамгаалах дадал суулгах зорилгоор энэхүү уралдааныг зарлаж байна.