Хүний нөөц ба ажлын байр
Бид орон нутгийн иргэдийг чадавхжуулах, тогтвортой ажлын байраар хангах, урт хугацааны амьжиргааг дэмжихийг нийгмийн хариуцлагын бодлогынхоо тэргүүлэх чиглэл болгон хэрэгжүүлдэг. Баянхөндий уурхайн олборлолт, үйлдвэрлэлийн үе шатанд 400 гаруй үндсэн ажлын байр бий болж, үүний 30 хувийг орон нутгаас бүрдүүлэн ажиллаж байна. Бид хайгуулын үе шатанд 60 орчим иргэнийг мэргэжил эзэмшүүлэн ажлын байранд зуучилж, олборлолтын бэлтгэл үе шатанд 164 иргэнийг хүнд машин механизмын оператороор сурган дадлагажуулсан. Бүтээн байгуулалтын оргил үед 1,400 ажилтны 30 гаруй хувь буюу 520 гаруй нь орон нутгийн иргэд байсан нь төслийн орон нутгийн оролцоог бодитоор хангаж буйг илтгэнэ. Өнөөдөр бид ажилтнуудын ур чадварыг тасралтгүй хөгжүүлэх, аюулгүй ажиллагааг хангах, тогтвортой ажлын орчныг бүрдүүлэхэд онцгойлон анхаарч ажиллаж байна.
Сүүлд хэрэгжүүлсэн ажлуудаас
Н.Дашдаваа: Өрхийн бизнесийг дэмжсэн хөтөлбөр учраас зээлд өндөр шалгуур тавиагүй авахад хялбар байсан нь олзуурхууштай
Эрдэнэ Монгол ХХК-ийн иргэдийн тогтвортой амьжиргааг дэмжих хүрээнд хэрэгжүүлж буй "Хүүгүй зээл" хөтөлбөрт хамрагдсан Шинэжинст сумын иргэн Н.Дашдаваа хөтөлбөрийн талаарх сэтгэгдлээ хуваалцлаа.
Э.Гаваа: Баянхөндий төсөлд геологийн туслахаар ажиллаж эхэлсэн
Энд ажиллахад ажлын байран дахь хамт олны уур амьсгал маш сайхан байдаг нь ажилдаа дурлах шалтгаан болдог хэмээн тэрээр сэтгэгдлээ хуваалцлаа.
800 гаруй нээлттэй ажлын байр зарлалаа
Эрдэнэ Монгол ХХК болон Энержи Ресурс ХХК үйл ажиллагаагаа өргөжүүлсэнтэй холбоотойгоор 100 төрлийн албан тушаалд 800 гаруй ажлын байр зарлаад байна.
Эрдэнэ Монгол ХХК 400 ажлын байр зарлалаа
Эрдэнэ Монгол ХХК Баянхонгор аймгийн Шинэжинст суманд Баянхөндий төслийг хэрэгжүүлэх үе шатандаа орон нутгийн иргэдийг тогтвортой ажлын байраар хангах бодлого баримталж буй.
ХММО-ын 7 дугаар ээлжийн сургалт дуусаж, 8 дугаар ээлж эхэллээ
Орон нутгийн залуусыг чадавхжуулах зорилгоор мэргэжил олгож, ажлын байраар хангах энэхүү төслийн хүрээнд 8 ээлжинд нийт 164 хүн хамрагдаад байна.
1992 иргэнийг ажлын байранд зуучлах хөтөлбөр хэрэгжүүлэв
Эрдэнэ Монгол ХХК орон нутаг дахь ажлын байрыг нэмэгдүүлэх хүрээнд 2023 онд Баянхонгор аймгийн Хөдөлмөр, халамжийн газартай хамтран бүртгэлтэй ажилгүй иргэдийг байнгын болон түр ажлын байраар хангах төсөл хэрэгжүүлэн ажиллав.