Орон нутгийн боловсролын хөгжилд бидний оролцоо

Эрдэнэ Монгол ХХК нь боловсролыг тогтвортой хөгжлийн үндэс хэмээн үзэж, орон нутгийн иргэд, ялангуяа хүүхэд, залуусын сурч боловсрох боломжийг дэмжин ажилладаг. Бид оюутан, залууст сургалтын тэтгэлэг олгох, мэргэжлийн чиг баримжаа олгох, дадлагажих боломжийг нэмэгдүүлэх замаар ирээдүйн чадварлаг мэргэжилтнүүдийг бэлтгэхэд хувь нэмрээ оруулж байна. Үүний зэрэгцээ ерөнхий боловсролын сургууль, цэцэрлэгийн орчныг сайжруулах, сургалтын хэрэглэгдэхүүнийг шинэчлэх, хүүхэд, багачуудын аюулгүй, таатай орчинд суралцах нөхцөлийг бүрдүүлэхэд чиглэсэн хөрөнгө оруулалтыг тогтмол хэрэгжүүлдэг. Манай компани боловсролын салбарт оруулж буй хөрөнгө оруулалтаа зөвхөн нэг удаагийн дэмжлэг бус, урт хугацаанд үр өгөөжөө өгөх, орон нутгийн хөгжилд бодит хувь нэмэр оруулах стратегийн бодлогын хүрээнд хэрэгжүүлдэг. Энэ хүрээнд дараах хөтөлбөрүүдийг хэрэгжүүлж байна: “Амралтаараа ажиллая” оюутны зуны цалинтай дадлагын хөтөлбөр Сургалтын төлбөрийн тэтгэлэгт хөтөлбөр Хүнд машин механизмын оператор бэлтгэх сургалт Эдгээр санаачилгын хүрээнд бид орон нутгийн иргэдийг мэргэшүүлэх, ур чадварыг нь хөгжүүлэх, хөдөлмөр эрхлэлтийг дэмжихэд бодит хувь нэмэр оруулж байна.