Дэд бүтцийг сайжруулах хөтөлбөр
Эрдэнэ Монгол ХХК нь нийгмийн хариуцлагын бодлогын хүрээнд Шинэжинст сумын иргэдийн амьдрах орчныг сайжруулах, тулгамдсан асуудлуудыг шийдвэрлэхэд чиглэсэн ажлуудыг үе шаттайгаар хэрэгжүүлж байна. Унд, ахуйн усны чанар, хүртээмжийг нэмэгдүүлэх зорилгоор хийсэн судалгаанд үндэслэн сумын төвд ус цэнгэгжүүлэх байгууламжийг барьж, ашиглалтад орууллаа. Мөн боловсролын байгууллагуудын орчныг сайжруулах хүрээнд сургууль, цэцэрлэгийг орчин үеийн шаардлага хангасан ариун цэврийн байгууламжаар хангах ажлыг хэрэгжүүлж, сумын төсөвт байгууллагуудын дэд бүтцийг шинэчлэн сайжруулж байна. Үүнээс гадна бэлчээрийн усан хангамжийг сайжруулах зорилгоор худаг гаргах, сэргээн засварлах, тохижуулах ажлуудыг жил бүр тогтмол хэрэгжүүлж, орон нутгийн дэд бүтцийг дэмжих хүрээнд зам засвар, арчлалт болон сайжруулсан шороон зам барих ажлыг хийж байна. Эдгээр ажлуудаар дамжуулан бид орон нутгийн тогтвортой хөгжил, иргэдийн амьдралын чанарыг дээшлүүлэхэд бодит хувь нэмэр оруулахыг зорьж байна.
Сүүлд хэрэгжүүлсэн ажлуудаас
Эхийн гол орчимд 4G сүлжээ нэвтрүүлэв
Баянхөндий төслийн Нээлттэй өдөрлөгийн үеэр “Эхийн гол” орчимд газар тариалан, аялал жуулчлал хөгжүүлэх боломжийг нэмэгдүүлэх тухай орон нутгийн иргэдээс ирсэн санал, хүсэлтийн дагуу “Эхийн гол” орчимд 4G сүлжээ нэвтрүүлсэн.
Авто замын сайжруулалтыг хийж гүйцэтгэж байна
Орон нутгийн иргэдийн санал, шаардлага тавьсны дагуу Баянхонгор аймгийн төвөөс Шинэжинст сум чиглэлийн орон нутгийн чанартай авто замын шаардлагатай хэсгүүдэд зам засвар, тохижилтын ажлыг хийж гүйцэтгэж байна.
БАЯНХОНГОР – ШИНЭЖИНСТ ЧИГЛЭЛИЙН АВТОЗАМЫН ТЭЗҮ-ИЙГ ХҮЛЭЭЛГЭН ӨГЛӨӨ
2023 оны 12-р сард зохион байгуулсан Инвест Баянхонгор хөрөнгө оруулагчдын чуулга уулзалтын үеэр Баянхонгор – Шинэжинст чиглэлд хатуу хучилттай автозамын ТЭЗҮ боловсруулахаар талууд тохиролцон аймгийн Засаг даргатай санамж бичиг байгуулаад байсан.