Дэлгэрэнгүй танилцуулга
ҮНДЭСНИЙ БАХАРХАЛТ АМЬТАН “МАЗААЛАЙ” БААВГАЙГ ХАМГААЛАХ ХӨТӨЛБӨР ХЭРЭГЖҮҮЛЖ БАЙНА
МОНГОЛ УЛСЫН ЗАСГИЙН ГАЗРЫН 2023 ОНЫ 437-Р ТОГТООЛД ҮНДЭСЛЭН МАЗААЛАЙ БААВГАЙГ “ҮНДЭСНИЙ БАХАРХАЛТ АМЬТАН”-ААР ЗАРЛАН, 2024 ОНЫГ МАЗААЛАЙ БААВГАЙГ ГАДААД, ДОТООДОД СУРТАЛЧЛАН ТАНИУЛАХ АЖЛЫГ ШАТ ДАРААТАЙ ЗОХИОН БАЙГУУЛЖ БУЙ.
“МАЗААЛАЙ” баавгайг олон улсад сурталчлах ажилд Эрдэнэ Монгол ХХК нийгмийн хариуцлагын хүрээнд нэгдэж, хамтран ажиллах “САНАМЖ БИЧИГ” байгуулсан билээ. Улмаар, Мазаалай баавгайн амьдрах орчинг сайжруулах, идэш тэжээлээр хангах, Мазаалай судлаачдад дэмжлэг үзүүлж, хамтран ажиллах, Мазаалай баавгайг олон нийтэд сурталчилан таниулах ажлуудыг тогтмол хийж, хэрэгжүүлж байна.
Төслийн зорилго
Мазаалайн тухай
- Мазаалай нь говь цөлд амьдардаг дэлхийн цорын ганц баавгай бөгөөд зөвхөн Монголын говьд байдаг. - 1960-аад оноос Монголын биологийн хүрээлэнгийнхэн мазаалайг анх судалж, тоолж ирсэн түүхтэй.
Мазаалайн хоол, тэжээл
-Мазаалай бажууны үндэс, зээргэнэ, хармаг жимс болон мэрэгчид, хэвлээр явагчид, хорхой шавьжаар хооллодог. Холимог идэшт, том махчин амьтны хувьд говийн ялангуяа баянбүрдийн биоценозид орон зай, идэш тэжээлийн гинжин холбоонд тодорхой үүрэг гүйцэтгэдэг.
Мазаалайн амьдрах орчин
Мазаалай нь зундаа +46 градуст халж, өвөлдөө -34 градус хүртэл хүйтэрдэг газар амьдардаг онцгой амьтан бөгөөд асар их уудам орон зайг эзлэн амьдардгаараа бусад баавгайн зүйлүүдээс ялгагддаг.
Мазаалай экосистемд чухал нөлөө үзүүлдэг амьтан
- Тоо толгой цөөн боловч ургамлын гаралтай идэш тэжээлээр зонхилон хооллож ландшафтад танигдахуйц ул мөр үлдээж, жижиг баянбүрдийг түшиж амьдрах тул экосистемд чухал ач холбогдолтой амьтан. - Хөхтөн амьтдын сэг зэмээр хооллодог тул байгальд ариутгагчийн үүрэг гүйцэтгэдэг. - Хөрсний ус ойр газарт малтаж ус гаргадаг тул хавтгай зэрэг бусад хөхтөн амьтдыг усаар хангахад чухал үүрэгтэй.
Төслийн хүрээнд
Мазаалай баавгайгаа хайрлацгаая, хамгаалцгаая
Эрдэнэ Монгол ХХК-иас хичээлийн шинэ жил эхэлсэнтэй холбогдуулан зарласан “МАЗААЛАЙГАА МАГТЪЯ” пост бичих уралдааны шилдгүүд өнөөдөр тодорлоо.
“Мазаалайгаа магтъя” сошиал уралдаан зарлалаа
Бид үндэсний бахархалт амьтан “Мазаалай” баавгайг хамгаалах үйлсэд нэгдэж, БОАЖЯ-тай “Хамтран ажиллах Санамж бичиг” байгуулсан.
“Монгол Мазаалай” баримтат кино бүтээв.
Эрдэнэ Монгол ХХК Байгаль, орчин аялал жуулчлалын яамтай “Хамтран ажиллах санамж бичиг” байгуулан ажиллаж байгаа.
Мазаалайн гол идэш бажууна туршилтаар тариалав
Эрдэнэ Монгол ХХК үндэсний бахархалт амьтан “Мазаалай” баавгайг хамгаалах ажилд нэгдэж, энэ хүрээндээ Мазаалай баавгайн амьдрах орчин, нөхцөлийг сайжруулах чиглэлд анхааран ажиллаж байгаа.
Мазаалай болон хээрийн зэрлэг ан амьтдад зориулан ламын тооройн худагт хөв байгуулав
“Эрдэнэ Монгол” ХХК нь төслийн бүс нутгийн биологийн олон янз байдалд эерэг нөлөө үзүүлэх зорилготой ажилладаг.
2000 км-ын урт зам туулж говийн зэрлэг амьтдад тэжээл хүргэв
Баянхөндий төслийн багийнхан говийн нэн ховор амьтдад өвс тэжээл тавьж өгөх биотехникийн ажлуудыг хийж хэрэгжүүлдэг.
“Мазаалай баавгай” хамгаалалд хамтран ажиллах санамж бичиг байгууллаа
Монгол Улсын Засгийн газрын 2023 оны 437-р тогтоолоор 2024 оныг Мазаалай баавгайг “Үндэсний бахархалт амьтан”-аар зарлан ажиллаж байгаа билээ.