Бидний ирээдүй болсон бяцхан хүүхэд багачуудын эрүүл орчинд сурч боловсрох хэрэгцээг хангах зорилгоор Шинэжинст сумын ЕБС, цэцэрлэгийг боловсон ариун цэврийн өрөөтэй болгох төслийг хэрэгжүүлсэн. Улмаар  модон жорлонг халж, стандартын шаардлага хангасан эрэгтэй, эмэгтэй ариун цэврийн өрөөнүүдийг байгуулж хүлээлгэн өгсөн юм. Ингэснээр төв суурин газраас алслагдсан говийн сумын сургуулийн сурагчид жилийн дөрвөн улирлын алинд ч тав тухтай бие засах боломжтой болсон билээ.