Шинэжинст сумын багачуудыг ая тухтай сурч, боловсрох нөхцөлийг бүрдүүлэх зорилгоор Эрдэнэ Монгол ХХК-аас цэцэрлэгийн тохижилт болоод сургалтын хэрэглэгдэхүүнийг шинэчлэх ажлыг үе шаттай хэрэгжүүлсэн.

Ингэснээр төв суурин газраас хол зайтай ч халуун хүйтэн устай болж, боловсон ариун цэврийн өрөө, бүрэн автомат угаалгын машин, аяга таваг угаагч машин, ухаалаг тоос сорогч, гээд бүгдийг ашигладаг болсон юм. Мөн хөдөөгийн суурин газар ажиллаж байгаа  багш нарын ачааллыг багасгаж, ажлыг хөнгөвчлөх зорилгоор сургалтад ашиглах зөөврийн компьютер, хэвлэгч, ангиудад ухаалаг дэлгэц зэргийг өгсөн. 

Багш, ажилчдын ажил хөнгөрч, хүүхдүүдийн сурч боловсорч, хөгжих орчин илүү тухтай болсон талаар цэцэрлэгийн багш нар сэтгэгдлээ хуваалцлаа. Тухайлбал Шинэжинст сумын бүлгийн багш Э.Цэцэгжаргал "Эрдэнэ Монгол ХХК-ийн багачуудад зориулсан хөрөнгө оруулалтын ажлууд үр дүнтэй байгаа. Багш, ажилчдын ажлыг хөнгөвчлөхөөс гадна хүүхдүүдийн маань техник, технологитойгоо хөл нийлүүлэн хөгжих боломжоор 100 хувь хангаж өгсөнд талархаж байна" гэлээ.