БШУЯ-наас хэрэгжүүлж буй EDUTEN, PEARSON цахим хөтөлбөрийг орон нутагт хэрэгжүүлэхэд хэрэглэгдэхүүний хүрэлцээ, хангамжийн асуудал тулгардаг байна. Тэгвэл манай хамт олон нийгмийн хариуцлагын хүрээнд энэ хичээлийн жилд сумын сургуульд 100 ширхэг таблетын дэмжлэг үзүүлсэн.

Таблетыг дээрх хөтөлбөрүүдэд хамрагдаж буй бага, дунд бүлгийн найман ангийн сурагчид 100 хувь ашиглаж, цахим хичээлийн оролцоо, чанарын үзүүлэлтээрээ Баянхонгор аймагтаа тэргүүлсэн амжилттай явж байгааг сургуулийн захирал Г.Долгор хэлж байна. Тодруулбал 2024-2025 оны хичээлийн жилийн хоёрдугаар улиралын чанарын үзүүлэлтээрээ аймгийн хэмжээнд тэргүүн байрт оржээ. Эрдэнэ Монгол ХХК нийгмийн хариуцлагын хүрээнд боловсролыг дэмжих хөтөлбөрүүдэд бодит хөрөнгө оруулалт хийхийг зорьдог.